A asociación cultural Ateneo Galeguista de Lugo organizará o vindeiro sábado, 12 de xuño, ás 11 horas a presentación do libro El 15M Facha, do voceiro de ERC no Congreso, D.Gabriel Rufián Romero.
O acto terá lugar no IES Lucus Augusti e nel intervirán Xoan Xesús Rozas, vicepresidente da asociación organizadora, o autor da obra, Gabriel Rufián, así como os xornalistas Marta Veiga Izaguirre e Silvio Falcón Rodríguez.
Dende a organización advirten que, debido a normas protocolarias da COVID 19, o aforo do acto será de 104 persoas. Nestes momentos o aforo está completo. O acto poderá ser seguido en directo desde o facebook do ateneo galeguista: www.facebook.com/ateneo.
