Vinte e catro horas despois da súa saída á venda, o Caudal Fest anunciaba a través das súas redes sociais que o 60% dos abonos para a vinderira edición – que será a sexta, e que se celebrará os días 20 e 21 de setembro de 2024- xa foran adquiridos.
Mikel Izal, Viva Suecia, Arde Bogotá, Ginebras, Nil Moliner ou Carlos Sadness son os primeiros cabezas de cartel que actuarán no Caudal Fest 2024. Estarán acompañados de grupos como Barry Brava, Ladilla Rusa, Siloé, Huecco, Karavan, Tu Otra Bonita, Ramón Mirabet, Xina Mora, e os galegos Monoulious DOP.
Ao longo das vindeiras semanas desvelaranse próximas novidades desta edición, que buscará ser a máis exitosa da historia do festival ata o de agora. En 2023, o evento reuniu a 37.567 persoas en Lugo, supoñendo un retorno económico de 7,3 millóns de euros.
