O Concello aproba liñas de axuda para asociacións de servizos sociais e o bono-taxi

A Xunta de Goberno do Concello de Lugo aprobou hoxe a convocatoria de dúas liñas de axudas en materia social que suman máis de 43.000 euros. Trátase dos programas de axudas para persoas con discapacidade física e afectadas por graves dificultades de mobilidade que teñan que facer uso de taxi adaptado, o denominado bono-taxi, para o que o Concello destina 5.000 euros, e subvencións a asociacións e persoas xurídico privadas sen ánimo de lucro para levar a cabo programas e actividades e para o mantemento e conservación e pequenas reparacións das infraestruturas nas que se levan a cabo estas actividades, por 38.000 euros.

Estas axudas forman parte do esforzo económico que fai en políticas sociais o Goberno, eido ao que destina 23M€, o que supón o 24% do Orzamento anual, co fin de garantir o benestar e a igualdade de oportunidades.

Lugo Smart City

O Goberno tamén aprobou na reunión de hoxe arrancar o programa Lugo Smart City unha vez que a execución do mesmo foi adxudicado á UTE formada por Indra, Altia e R. Este plan está dotado con 4,1M€, o 60% achegados polo FEDER, e ten como obxectivo avanzar na implantación da administración electrónica, así como na xestión sostible e eficiente dos servizos públicos aproveitando as oportunidades que ofrecen as novas tecnoloxías.

As medidas a levar a cabo neste senso pasan, por exemplo, pola xestión intelixente do aparcamento (instalando sensores inalámbricos que detectan prazas libres), do servizo de recollida de lixo (con sensores de almacenamento nos contadores), do alumeado público (coa regulación do fluxo lumínico a través de dispositivos de control) ou dos contadores de auga (coa lectura e supervisión a través de sistemas GPRS ou 3G).

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com