" />

O Concello de Lugo levanta a orde de paralización da Urbanización das Saamasas

O Concello de Lugo vén de autorizar que se retomen as obras de Urbanización das Saamasas.

O decreto, asinado esta mañá pola concelleira de Gobernanza, autoriza a continuidade dos traballos con base no ditame emitido pola Confederación Hidrográfica Miño- Río Sil no que a CHMS considera acreditado, cun informe técnico, que as tarefas pendentes de executar se atopan fóra da franxa de 100 metros do Miño, non afectan ao canle de desaugue nin infiren coas obras construídas polo organismo de bacía, nin coa explotación que este fai do mesmo.

A documentación presentada polos promotores a finais de outubro xunto coa solicitude de levantamento das medidas cautelares, permitiu a Administración local comprobar que o suposto inhabilitante xa desapareceu e, polo tanto, esta mesma mañá procedemos a comunicarlle aos interesados que poden retomar as obras no Sector SUNP Norte I xa que as mesmas, tal e como conclúe nas súas valoracións a propia Confederación, se atopan fóra da zona de servidume do leito do río e da canle para que se solicita a autorización, que non precisa de permiso xa que foi creada artificialmente dentro dunha valgada que non forma parte do Dominio Público Hidráulico”, indicou a edil.

Así pois, unha vez que desaparece o presuposto de feito que fundamentou a interrupción das obras, a área de Urbanismo accedeu ao levantamento da orde de paralización, “indicándolle á Xunta de Compensación que, unha vez transcorrido o prazo de execución e antes de recibilas, os Servizos Municipais procederán realizar a correspondente inspección, co fin de comprobar que os traballos se atopan totalmente rematados e se axustan ao Proxecto de Urbanización aprobado en 2014”, sinalou a concelleira.

A área de Sostibilidade Urbana decretara en maio, en prol do interese xeral e da protección ao patrimonio de todas e todos os lucenses, a suspensión da construción desta Urbanización, por carecer da necesaria prórroga da Confederación Hidrográfica.

Malia que durante o proceso de alegacións a Xunta de Compensación do Sector Norte I esgrimiu que os traballos que estaba realizando nese momento non atinxían á demarcación da CHMS, o organismo da cunca entendeque “ademais de ser á Confederación a quen lle corresponde realizar tal afirmación – por tratarse dun proxecto que afecta a infraestruturas hidráulicas – e tendo en conta que o prazo de execución contemplado no expediente xa estaba finalizado, para poder pronunciarse sobre se as tarefas pendentes precisaban dunha nova autorización administrativa, o promotor debía presentar a correspondente solicitude de autorización dos labores que pretendía realizar co fin de que, tal e como sucedeu, a Confederación puidera estudar e acreditar que os mesmos non afectaban a algunha canle pública e ás súas zonas de protección.

Novas relacionadas

  1. Pedro
    Nov 21, 2021 - 11:47 AM

    Donde digo Diego digo…. Si el informe anterior no había por donde cogerlo, este es peor o eso parece… no solo no argumenta nada sino que tiene toda la pinta, por lo publicado, que no es más que una colección de justificaciones incoherentes y sin sentido de técnicos municipales que no saben por donde salir después de haber metido la pata hasta el fondo
    Responsabilidades, sanciones y más a esas personas que actúan puestos de jefes y actúan como si Lugo fuese su cortijo

    Reply
  2. Oscar
    Nov 21, 2021 - 11:47 AM

    Donde digo Diego digo…. Si el informe anterior no había por donde cogerlo, este es peor o eso parece… no solo no argumenta nada sino que tiene toda la pinta, por lo publicado, que no es más que una colección de justificaciones incoherentes y sin sentido de técnicos municipales que no saben por donde salir después de haber metido la pata hasta el fondo
    Responsabilidades, sanciones y más a esas personas que actúan puestos de jefes y actúan como si Lugo fuese su cortijo

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo