A Escola da Órrea é o lugar escollido pola asociación Avelino Díaz e o resto de organismos colaboradores (entre os que se atopan os concellos de Riotorto e Meira) para continuar coa celebración do 124 aniversario do poeta e xornalista. Así, o vindeiro 2 de abril, o Concello de Riotorto celebrará unha serie de actos na súa honra.
O evento comezará ás 5 da tarde, e nel proxectarase a obra Mamasunción de Chano Piñeiro; unha curtametraxe que conta a historia dunha nai que ben podería ter sido a do poeta. Asemade, trala proxección se comentará esta obra; e se seguirá cunha posta en común dos últimos datos coñecidos de Avelino Díaz.
Para rematar a tarde, inaugurarase simbólicamente o Mapa da Parroquia, unha obra doada hai décadas polo seu autor Castor López Montes.
O acto será presentado por Sara de Patorna e nel participarán, Alicia, Óscar e Miguel de Dios, Álvaro do Ferreiro, Airela, Noa e Celtia de Fleire, Isaura da Caseta, Noelia de Cartas e Marisol do Ferreiro.