O Concello do Incio proponlle á CHMS o uso recreativo do embalse de Vilasouto

O alcalde do Concello do Incio, Héctor Corujo, mantivo unha xuntanza de traballo co presidente da Confederación Hidrográfica do Miño-Sil (CHMS), José Antonio Quiroga, na que lle propuxo o uso recreativo do embalse de Vilasouto, unha proposta que debe autorizar a CHMS para navegar en augas do seu dominio.

En concreto, o rexedor interesouse pola colaboración da Confederación Hidrográfica do Miño Sil para posibilitar a navegación na lagoa a través de embarcacións sen motor ou propulsadas con motores eléctricos e non contaminantes, o que podería converter ao Concello e aos municipios limítrofes nun punto de ocio acuático e, polo tanto, nun reclamo turístico.

Múltiples opcións

O alcalde explica que “as embarcacións de recreo que poidan usar o embalse non poderán ser a motor para non afectar así na auga que os concellos captan para o subministro, como é o caso de Bóveda. O embalse de Vilasouto, sen uso hidroeléctrico, sería un enclave de excepción para a navegación de recreo a través de pequenas embarcacións, piraguas, táboas de páddlesurf, wind surf ou pequenas embarcación a vela ou pedal, entre outras posibilidades”.

Outras demandas

A maiores, tamén abordaron a necesidade do mantemento das infraestruturas competencia da CHMS ao seu paso polo Concello do Incio, como a mellora da estrada que vai de Laiosa á présa ou o desbroce da vía perimetral que conecta Vilasouto e Mosteiró.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo