O Concello manterá un encontro cos titulares de vaos de uso temporal

A área de Facenda Local do Concello de Lugo cuantificou xa o número de persoas que se puideron ver afectadas polos cambios realizados en 2020 na Ordenanza municipal no que ten que ver coa regulación do uso temporal dos vaos: 48 dun total de 4.026 que neste momento se atopan en vigor no municipio.

A concelleira da área económica convocará a vindeira semana ás persoas titulares destes permisos aos que a actualización da normativa lles supuxo un incremento da súa contía, co obxecto de manter un encontro para escoitar as súas demandas e buscar unha solución á súa situación. “Unha das directrices do Executivo Local é sempre reunirnos coa veciñanza para abordar todas aquelas cuestións que lles preocupen e tratar de conciliar as solucións”, sinalou a edil.

edil de Gobernanza incidiu en que a modificación aplicada na taxa por aproveitamentos especiais da vía pública atinguiu, fundamentalmente, á supresión das categorías fiscais das rúas, “en tanto o custo que ten para a Administración local prestar este servizo – facer o rebaixe da beirarrúa, instalar a placa, enviar o guindastre a retirar un turismo mal estacionado, etc – é o mesmo en calquera punto da cidade, xa sexa na rúa da Raíña ou na Piringalla”, sinalou como exemplo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com