O Concello substitúe árbores de Ramiro Rueda

O Concello de Lugo iniciou este luns a substitución do arboredo enfermo da rúa Ramiro Rueda. Así o anunciou o Concelleiro de Desenvolvemento Sostible e Persoal, Daniel Piñeiro, quen deu a coñecer os motivos de dita substitución nas propias inmediacións da rúa, que pasan polo mal estado das vinte catalpas existentes, pois presentaban patoloxías que afectaban a súa capacidade estrutural, presentando riscos de caída sobre a vía pública.

Deste xeito, tal e como avanzou Piñeiro, plantaranse 20 plataneiros de sombra, con forma de marquesina, similar aos que hai na Avenida Ramón Ferreiro, co obxetivo de recuperar e dignificar o espazo público ao tempo que se manteñen os valores ornamentais.

Durante a visita, o edil sinalou a importancia desta pequena reforestación tanto para conservar o patrimonio verde da cidade como para o bo aspecto das rúas lucenses. Os traballos estarán rematados ao longo da semana.

 

 

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com