A últimas horas de onte, tiña lugar un accidente na intersección da A6 e a A 8 onde faleceu un mozo e quedaron feridos outros dous, por causas que aínda se descoñecen. O accidente produciu un fondo pesar na capital lucense, pois, o condutor do vehículo era o neto dun coñecido empresario de Lugo do sector da hostalaría, propietario actual da cafetaría Kennedy e tamén por estar presente dende hai moitos anos cunha caseta de polbo no san Froilán, a caseta de Manolo de Marce, que era avó do mozo tristemente desaparecido.
Ao parecer os tres mozos volvían de entrenar de Vilalba, pois os tres eran futbolistas do Racing e a altura do enlace de Baamonde perderon o control do vehículo saíndose da calzada.
