" />

O Pleno debaterá a adhesión do Concello ao ‘Doing Business’, para a reactivación económica

Xornada de pleno mañá no Concello de Lugo e no que os diferentes grupos xa están a presentar aos medios as propostas que levarán a debate. Entre elas atópase unha moción do grupo municipal do Partido Popular encamiñada a mellorar a economía do municipio e acadar “esa reactivación económica que ansiamos e desexamos”. Neste senso, os populares pedirán que Lugo se sume á rede dos concellos Doing Business de cara a beneficiarse dos fondos Next
Generation, nun momento no que en Galicia xa hai 147 concellos, 22 deles na provincia de Lugo, adheridos a este convenio de colaboración asinado pola Xunta e a Fegamp.

De unirse a este protocolo é preciso axilizar os trámites administrativos algo para o que os populares piden resolver nun mes as peticións de licenzas de obra maior, algo que o Concello de Lugo pode facer ao amparo do artigo 54 da Lei 09/2021 de Simplificación Administrativa e de Apoio á Reactivación Económica de Galicia, normativa que ofrece a posibilidade de que os proxectos que vaian acompañados dunha certificación emitida por una ECCOM se informen por parte do Concello no prazo dun mes.

Os populares tamén defenderán unha iniciativa na que instan ao goberno local a apertura inmediata das bolsas das listas de emprego que aínda están pendentes de resolver, situación enquistada dende que en xullo de 2020 o Concello de Lugo anunciou a creación dunha bolsa de emprego que recollía 42 categorías para cubrir as posibles vacantes que se puidesen producir nos diferentes servicios municipais.

Pola súa banda, o edil de Cidadáns anunciou onte que o seu grupo defenderá na sesión plenaria de mañá unha proposición que ten como obxectivo mellorar a calidad de vida no barrio da Residencia. Así, a formación laranxa pide, por unha banda, que se dote ao barrio de novos servizos “polo impacto da implantación do carril bici”; e, por outro, que non leve a termo a planta de biomasa que prevén instalar no novo complexo sanitario anunciado pola Xunta.

Respecto á planta de biomasa o rexeitamento popular é exactamente o mesmo que para o carril bici, segundo explican dende a formación, “moi criticado polo seu deseño”, segundo constatou Vidal-Pardo en numerosos encontros cos representantes veciñais.  

Comparecencia Concelleiro de Deportes

Asemade, no pleno debaterase se é necesario que o edil titular da área de deportes compareza ante a corporación, no pleno de decembro, a petición do PP para explicar “os motivos de mentir nunha comisión oficial sobre a homologación da pista de baloncesto do Palomar e por negar acceso a toda a documentación relacionada con esta obra”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo