" />

O PP alerta de que a “parálise” das licenzas en Lugo bloquea 46,7M€ en investimento privado

O vicevoceiro do Grupo Popular lamenta que “pola falta de xestión deste bigoberno se bloqueen 46.7€ en investimentos privados en obras maiores”. Esta cifra estimativa corresponde ás 206 licenzas que o goberno local informou que están “en diferentes fases de tramitación, pendentes de resolver (correspondéndose 2 ao ano 2019, 35 ao ano 2020, 116 ao 2021 e 53 ao 2022).

Os populares fixeron este cálculo tomando como base a media de gasto das intervencións autorizadas en 2021 e que foi de 226.573 €. Esta cantidade multiplicada polas 206 licenzas pendentes suma os 46.7M€.

Os populares ofreceron esta cifra na xornada na que se reunen coa Asociación de Constructores manifestando que non hai excusas que xustifiquen a situación que se vive en Lugo coa tramitación de licenzas. Ameijide manifestou que “o concello como administración máis cercana debería ofrecer solucións e non xerar un problema a este sector que, nas últimas semanas, sufriu outro mazazo coa folga do transporte que motivou o peche de varias obras”.

O vicevoceiro popular lembrou como “o primeiro lastre do bloqueo das licenzas en Lugo é que se frean as contratacións directas relacionadas con gremios vinculados ao sector da construción (electricistas, pintores, escaiolistas); en segundo lugar, afecta ás empresas e negocios vinculados coa equipación (tiendas electrónica, mobiliario …)”. O terceiro lastre é o que repercute sobre o emprego indirecto xa que dentro dos expedientes pendentes de resolución hai casos de ampliación de empresas, novos negocios, ampliacións de naves …” concluíu Ameijide.

Por último, dende o Grupo Popular cren que para desatascar o cuello de botella das licenzas de obra se debería contratar unha asistencia técnica “que actualice e revise todo o que está pendente para que o departamento de urbanismo colla o ritmo e sexa capaz de funcionar dacordo cos prazos que marca a lei”. “Se hai concellos que son capaces de resolver as licenzas en tres meses nós non podemos ser menos”, resumiu.

Os populares tamén recriminaron “a soberbia do equipo de Lara” con respecto á nova ordenanza para as licenzas que elabora o goberno local. “Solicitamos por escrito unha copia e a súa contestación é que “manifesta extemporaneidade do solicitado”. Dende o grupo maioritario da corporación non comprendemos os motivos polos que se negan a tender pontes conozco xa que “se queren un respaldo maioritario a unha ordenanza o lóxico é falalo antes de que a presenten”. “Está claro que o seu ego lles impide sentarse a negociar e iso vailles pasar factura”, manifestou Ameijide. “Co doado que sería sentarse nunha mesa e chegar a consensos en beneficio dos veciños e veciñas de Lugo”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo