Os vertedoiros incontrolados nas parroquias seguen a ser un dos grandes problemas para os veciños do rural que ven como seguen a proliferar este tipo de situacións, moi dañinas para o medio ambiente.
Os concelleiros populares lamentan a “desastrosa política medioambiental do goberno bipartito de Lugo poñendo como exemplo
dous novos vertedoiros incontrolados que apareceron na parroquia de Muxa”.
Dende o Grupo Municipal Popular preguntan ao goberno bipartito “que está a facer para evitar este este tipo de prácticas que, por desgraza, son habituais no noso concello”.
Nestes dous vertedoiros que apareceron en Muxa poden verse restos de obras, roupa, xoguetes, cosméticos, sofás, electrodomésticos ou
alimentos, polo que urxe a rápida limpeza destes puntos.
