" />

O PP denuncia que “Méndez e Arroxo privatizan o servizo de augas”

O Partido Popular pregúntanse “ata onde vai chegar o furor privatizador da alcaldesa e o vicealcalde de Lugo” recriminándolles que “en vez de poñer coto ás externalizacións continúen asfixiando servizos como o de augas”. Estas declaración facías a o voceiro popular “tras coñecerse que PSOE e BNG van a privatizar a atención das avarías na rede de auga”.

Para Ramón Carballo “a privatización do servizo que atende ás urxencias como reventóns de tuberías ou cortes de auga agocha a política de desmantelamento, seguida nos últimos 20 anos, polos gobernos socialistas: conseguiron desmantelar brigadas como a de augas que funcionaba perfectamente ou a dos electromecánicos, a brigada de saneamento …”. O voceiro popular reflexionaba “a alcaldesa socialista prefire privatizar os traballos extraordinarios antes que reorganizar o servizo municipal e antes de pagar horas extra a actual plantilla”

Os populares aclaran que “en canto á brigada de augas a situación é aínda máis rocambolesca, hai unha decena de traballadores aos que o goberno local se nega a pagárllelas gardas que lles deben hai anos, e tamén se negan a que presten servizos ou gardas localizadas pero, sorprendentemente, non lles doe en prenda gastar 121.000 euros para privatizar unha parte do servizo”. Carballo explicaba que “por menos de 60.000€ ao ano, en concepto de plus de dispoñibilidade, gardas 24 horas e horas extra, os traballadores prestarían o servizo” lamentando que “desprecen esta alternativa e prefiran gastar o dobre contratando a unha empresa que non coñece ao detalle a rede de auga como estes operarios”.

O voceiro popular concluía “Lara Méndez segue os costumes do caciquismo moderno implantado no concello de Lugo, desmantelando todos os servizos municipais, para contratar a empresas que fagan o mesmo que os traballadores municipais que xa temos, pero ao triplo do custe”.

Novas relacionadas

  1. Avatar
    Sarainha Chinaski
    Mai 25, 2020 - 09:53 PM

    Vaia paiasiño

    Reply
  2. Avatar
    Tedás Cuen
    Mai 25, 2020 - 03:44 PM

    está o monchito este para falar de privatizacións

    Reply
  3. Avatar
    Carlos Fernandez Peleteiro
    Mai 25, 2020 - 02:22 PM

    Sempre falan os máis apropiados!!!!??

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo