" />

O PP pide ao goberno local a apertura dos pavillóns dos CEIPs ante a falta de instalacións deportivas a disposición dos clubs

O concelleiro do Grupo Municipal do Partido Popular no Concello de Lugo, Óscar Poy, amosa a súa preocupación pola falta de instalacións deportivas que hai na cidade, unha eiva que dificulta o día a día de moitos clubs que teñen que aproveitar ao extremo cada minuto que poden empregar unha instalación pública, instalacións xa de por si saturadas ata o punto de que pode ser moi complicado a práctica do deporte por libre de calquera veciño. Unha situación ante a que o concelleiro popular quere realizar unha proposta: que o Concello de Lugo abra aqueles pavillóns de centros educativos de titularidade municipal, para facilitar a práctica deportiva na nosa cidade, toda vez que o goberno local desbotou a posibilidade de solicitar aos IES o uso das instalacións deportivas destes centros.

Explica Óscar Poy que Mauricio Repetto debe de estar satisfeito co xeito que ten de dirixir a concellería de Deportes, mantendo saturadas as escasas instalacións deportivas que hai en Lugo, polo que optou por non acollerse ao acordo asinado entre a Fegamp e a Xunta de Galicia para que os concellos soliciten o uso das instalacións deportivas dos centros de ensino secundario. Segundo este acordo “o concello que teña a intención de usar as instalacións deportivas do/os IES situado/s dentro do seu ámbito territorial deberá presentar, ante a dirección do centro educativo que se trate, durante o mes de setembro, unha solicitude”, algo que o Concello de Lugo non fixo.

Ante esta situación, Óscar Poy realiza ao goberno local esta proposta en positivo, pensando en aproveitar todos os recursos dos que dispón o goberno local para poder dar resposta ás necesidades dos deportistas da cidade, toda vez que o goberno local xa desaproveitou a ocasión de solicitar aos centros educativos un bo número de instalacións deportivas existentes nestas instalacións.

Entende o concelleiro popular que ante a demanda popular existente o lóxico sería ter solicitado máis instalacións pero, como non o fixeron, será o goberno local o que deberá dar o paso e dar resposta a esa demanda social poñendo a disposición instalacións existentes en Ceips, como pode ser, por exemplo, o pavillón do CEIP Luis Pimentel, o do CEIP A Ponte, o do CEIP Paradai ou o do CEIP Manuel Mallo Mallo, entre outros que hai no municipio e que poden ser moi útiles para desconxestionar as instalacións actualmente abertas e saturadas.

Novas relacionadas

Unha resposta

Deixa unha resposta
  1. Anónimo
    Out 21, 2021 - 03:40 PM

    ¡bo!

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo