O PP pide dignificar os restos do compositor Xoán Montes que xacen baixo “unha lápida ruinosa”

A concelleira popular no Concello de Lugo, Beatriz Vázquez, considera “patético” o estado no que se atopa a tumba do músico lucense Xoán Montes que está situada nunha parcela da sección 4 do Cemiterio de San Froilán. A popular considera que “hai que dignificar os restos deste gran compositor no camposanto de Lugo” e, nese senso, elevará un rogo ao goberno local.

O que propoñemos é “que se arranxe a lápida orixinal e que se traslade xunto cos restos do compositor a outro punto do cemiterio”. A edil do PP suxire que “se podería acondicionar un espazo na zona verde do camposanto que permita nun futuro servir como escenario de pequenos concertos”.

Os populares tamén consideran que “hai que identificar axeitadamente esta lápida cunha placa de metacrilato que lembre o nome de Xoán Montes e a súa grande obra como compositor destacando que puxo a música ao poema de Rosalía, Negra sombra“.

“O que non comprendemos dende o Partido Popular é que un goberno que di ter gran sensibilidade pola cultura galega, tanto no tour virtual do cemiterio como no tour presencial, ofreza unha vista tan desoladora do lugar onde xace un autor coñecido a nivel mundial como é Xoán Montes”, resumiu a popular.

Novas relacionadas

  1. Carlos Fernandez Peleteiro
    Xan 24, 2020 - 03:04 PM

    Eso está moi ben, pero non creo que sexa prioritario

    Reply
  2. José Manuel González Díaz
    Xan 24, 2020 - 02:19 PM

    Considera, patético, o estado da tumba de Xoan Montes, e os que están tirados más cunetas, que?

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com