" />

O PP urxe a renovación da rede de augas do Ceao para poder aumentar a presión e garantir o servizo de extinción

O vicevoceiro do Grupo Municipal do Partido Popular no Concello de Lugo, Antonio Ameijide, urxe ao goberno local a planificar e proceder á renovación da rede de subministro de auga naquelas zonas do polígono do Ceao nas que a presión da auga é moi pequena para garantir o acceso no caso de emerxencia.

Ameijide fai esta petición despois de ter acceso aos informes municipais derivados do incendio que tivo lugar no polígono do Ceao o pasado mes de abril, suceso tralo cal dende o Grupo Municipal Popular se felicitou aos servizos de emerxencias pola súa magnífica labor, pero tamén se criticou a falta de presión de auga coa que tiveron que afrontar ese suceso.

Neses informes certifícase, din os popualares, a súa sospeita, “que a falta de presión de auga dificultou enormemente as tarefas dos servizos de extinción de incendios”, pese ao cal conseguiron controlar as lapas e sufocar o incendio.

Segundo os informes municipais, a auga nas rúas onde tivo lugar o incendio tiña unha presión moi baixa, de entre 0.6 e 0,8 kg/cm2,  mentres que, por exemplo, na rúa dous carpinteiros, á carón da ITV hai presións de 3,8 kg/cm2.

Para o popular urxe a renovación da rede, “xa que no caso de que o goberno local optase por aumentar de inmediato a presión de auga correríase o risco, nunha porcentaxe moi elevada, de sufrir rebentóns ou roturas na rede xa que as tubaxes son moi antigas, de fibrocemento, polo que moitas delas xa superaron con creces a súa vida útil”.

Unha solución que plantexan os populares e tamén o servizo municipal de enxeñería, xa que no informe falan da necesidade da planificar un plan director do ciclo da auga e, dentro dese plan director, facer unha planificación e propostas de intervención para mellorar a rede de servizos.

Novas relacionadas

Unha resposta

Deixa unha resposta
  1. Anónimo
    Ago 18, 2021 - 11:56 PM

    Pero esta reivindicación xa é vella oh. Qué pasa que en Agosto non hai nada novo de que queixarse? O caso e deixarse ver.

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo