" />

O PSOE esixe a Candia que explique aos gandeiros os asuntos tratados na reunión con Quintana, Carballo e Lence

O PSOE esixe a Candia que explique aos gandeiros o porqué e os asuntos tratados na reunión do mércores na cidade de Lugo con Quintana, Carballo e Lence.  Así o destacou hoxe o Deputado Provincial Socialista, Álvaro Santos Ramos, que critiou o feito de que Candia, Quintana e Carballo “si tivesen tempo para manter un encontro cun dos maiores representantes da industria láctea horas antes da tractorada en Lugo, concretamente durante a noite do mércores, e, sen embargo, non participasen na concentración na cidade luguesa, e segan sen atender aos gandeiros, que continúan concentrados na cidade”.
Santos Ramos salientou que “ante a ausencia da Conselleira hoxe en Lugo e ante a presenza de centos de gandeiros á espera de explicacións, esiximos a Candia que poña fin a este escurantismo e explique aos gandeiros o motivo desta reunión a catro bandas, así como aos asuntos tratados na mesma, como principal interesados. Hoxe Candia ten dúas oportunidades para posicionarse a carón dos gandeiros: unha informando desta reunión, e outra aprobando a declaración institucional en defensa do sector lácteo que onte presentamos os socalistas”.

“A Presidenta convocou para hoxe ás 13:00 horas a xunta de voceiros provincial para tratar a declaración institucional presentada polo PSOE e que recolle as 10 medidas que reivindican á Xunta e ao Goberno Central a Plataforma en Defensa do Sector Lácteo, que aglutina a gandeiros e sindicatos”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo