" />

O TSXG autoriza prorrogar ata o 21 de maio a esixencia do certificado COVID-19 en hospitais

O Tribunal Superior de Xustiza de Galicia (TSXG) autorizou á Xunta a prorrogar en toda Galicia, ata o próximo 21 de maio, a obriga de presentar o certificado COVID-19 de vacinación, recuperación ou proba diagnóstica negativa para visitar aos doentes ingresados en centros hospitalarios e sociosanitarios residenciais de maiores e de persoas con diversidade funcional.

 A Sala asegura que se mantén a “idoneidade, necesidade e proporcionalidade da medida”, pois destaca que os valores que mostra o estudo técnico achegado pola subdirectora de Información sobre Saúde e Epidemioloxía “seguen sendo elevados”, o que indica que o virus “continúa tendo unha elevada circulación” na comunidade. Os maxistrados advirten no auto que “continuamos nunha situación epidemiolóxica que determina un risco de transmisión do virus”, en especial nos lugares para os que se autorizou a prórroga da esixencia do certificado.

 O tribunal explica no auto que a proporcionalidade da medida para o acceso a determinados establecementos “con alto risco de transmisión” se xustifica “coa existencia doutras alternativas ao certificado de vacinación, como son a proba diagnóstica de infección activa, pasar a enfermidade e, mesmo, a posibilidade de someterse voluntariamente a unha proba diagnóstica realizada no hospital”. Ademais, subliña que as medidas de prevención que adoptan as autoridades sanitarias “quedan suxeitas a un seguimento e avaliación continua, co fin de garantir a súa adecuación á evolución da situación epidemiolóxica e sanitaria”. Contra o auto cabe presentar recurso de casación ante o Tribunal Supremo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo