" />

O turismo estatal elixe Lugo para as vacacións da pandemia

A cidade de Lugo achégase este 2021 ao número de turistas que visitaron a capital durante o 2019. Así o informou o Concello de Lugo que avanzou que durante os primeiros meses do ano o sector turístico comezou a súa recuperación logo da baixada causada pola pandemia da Covid.

Segundo informou a Oficina Municipal de Turismo, 7442 persoas visitaron a cidade durante os primeiros 20 días de agosto, preto das pouco máis de 10.000 que se achegaron a este servizo do Concello de Lugo durante todo o mes de agosto de 2019.

Dende o Concello explican que o número de visitantes procedentes doutros países descendeu de xeito importante, pero deixaron sitio a un aumento notable dos turistas doutras partes do Estado. Este cambio de tendencia, segundo explican dende a área de Cultura e Turismo do Concello, sitúa á cidade de Lugo como un “destino estratéxico” para o turismo en Galicia, “un dos obxectivos das campañas turísticas que puxemos en marcha estes anos”.

Entre os visitantes que se achegaron á Oficina Municipal de Turismo durante este verán destacan os procedentes de Madrid e Cataluña, seguidos de Valencia, País Vasco e Andalucía. Francia, Portugal, Reino Unido e Alemaña son os países con máis turistas estranxeiros rexistrados nas estatísticas municipais.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo