O vindeiro mércores día 8 de novembro o Vello Cárcere acollerá unha sesión de lectura de poesía de Palestina a partir das 20.30 horas. A organización conta coa colaboración de Lugo por Palestina. “Trátase dun xesto de solidariedade co que queremos dar a man a estas voces que claman por ser escoitadas, voces coas que estamos e coas que nos erguemos en contra do xenocidio do pobo palestino”, sinalan na convocatoria.
Xerardo Quintiá lerá poemas de Mahmud Darwish; Sara Plaza, de Mourid Barghouti; María Corral, de Rafeef Ziadah; Nieves Neira, de Mosab Abu Toha; María Grandío, de Hiba Kamal Abu Nada; Marica Campo, de Fadwa Tuqan; Jesús Castro, de Noor Hindi, e Brenda Mondelo, de Muin Basisu.
