Poucas horas despois de ordenar a súa paralización, o xulgado deu vía libre para o derrubamento do Garañón.
Esta mesma maña, a alcaldesa de Lugo, Lara Méndez, anunciaba que debían paralizar as obras de derribo do Garañón logo dun recurso do promotor. Foi o Xulgado Contencioso Administrativo o que ordenou ao Concello que parase as obras de demolición nun escrito remitido ao Concello este luns, pero este mesmo martes, o xulgado desestimou o recurso do promotor e pode reactivarse a súa demolición.
Para o Partido Popular “estamos ante un novo capítulo do maior desastre urbanístico de Lugo e esta última noticia confirma “o engano sen precedentes aos lucenses por parte da alcaldesa de Lugo” poñendo en evidencia que “as decisións dos socialistas en materia urbanística e a súa política á carta déixannos herdanzas envelenadas como estas”
O PP sinala que “tirar o Garañón non é ningún éxito porque a licenza dada por Besteiro e os seus compañeiros de corporación do PSOE está a custarnos, ademais de moitos desgustos, moito diñeiro a todos os veciños e veciñas”
“A parte dos 600.000€ que nos custará o derrubamento das torres, estímase que unha vez que se tiren os edificios das costas do parque
cada lucense teremos que pagar, do noso peto, máis de 200€ por cabeza en concepto de indemnización ao promotor que pide máis de
20M€ pola licenza ilegal que lle deu o PSOE”.
