" />

Os bombeiros liberan a unha muller atrapada no seu coche tras saírse da vía en Mondoñedo

Unha muller necesitou da axuda dos bombeiros para saír do vehículo no que quedou atrapada despois de envorcar na LU-160, en Mondoñedo.

Ocorreu pouco antes das dez da mañá ao paso pola parroquia da Couboeira, tal e como indicou a persoa que chamou ao 112 Galicia para alertar.

O seu aviso serviu para activar un operativo no que participaron os profesionais de Urxencias Sanitarias de Galicia-061 e os Bombeiros de Barreiros, encargados de liberar á ocupante do vehículo, que envorcou sobre o seu teito no extremo da calzada. Deste xeito, facilitouse a asistencia médica e seu trasladado ao centro hospitalario de referencia da ferida.

Ademais, como consecuencia do impacto, perdeuse parte da carga almacenada no maleteiro e que a persoa que alertou confundiu con combustible.

Cómpre sinalar que este operativo contou tamén coa colaboración dos axentes da Policía Local e dos voluntarios de Protección Civil da localidade.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo