" />

Os ingresos municipais non soportan o nivel de gasto: desfase que roza os 10M€ no Concello de Lugo

Máis gastos que ingresos. Ese é o resumo do balance de contas do Concello de Lugo en 2020. Así o informou a voceira municipal de Cidadáns, Olga Louzao, este mediodía, logo de que o Goberno Local recoñecera que Lugo atópase nunha situación insostible dende o punto de vista económico. Foi na Comisión Extraordinaria de ccontas que tivo lugar esta mañá onde se analiza a situación económica do Concello a partir dos datos da Conta Xeral de 2020.

“Esta mañá recoñeceron abertamente algo que desde este grupo municipal levamos denunciando moitos meses: os ingresos municipais non soportan o actual nivel de gasto. Este recoñecemento público por parte do bipartito evidencia unha situación complicada derivada dunha política de gasto irracional baseada en proxectos propagandísticos  cuxo custo de mantemento aínda  se descoñece, que non responden as necesidades dos veciños e só buscan o rédito electoral”, declarou a concelleira da formación laranxa.

“Levamos máis dun ano avisando por activa e por pasiva deste escenario: este Concello gasta máis do que ingresa. O desfasamento do ano pasado sitúase próximo aos 10 millóns de euros (-9.603.348,86 euros), tal e como recoñeceu esta mañá Paula Alvarellos. Estamos a falar dun Concello que gasta o 53% do seu orzamento anual en contratos de bens e servizos, e isto sen ter en conta o gasto que se aveciña nos próximos meses froito da mencionada política irracional promovida por Lara Méndez e permitida polos seus socios de goberno. Debemos ter en conta que dentro desta porcentaxe non se atopa incluído aínda o mantemento de equipamentos de nova construción como o edificio Impulso Verde, o centro interxeracional da Piringallla, as caldas artificiais do río, o comprometido centro de colinving, o auditorio, etc. O que sen dúbida agravará máis a situación”, afirmou Louzao.

“Esta realidade é de xeito evidente insostible, polo que, como recoñeceu esta mañá a señora Alvarellos, o Goberno local está a exporse incrementar os ingresos, o que sen dúbida supón a subida dos impostos a todos os lucenses. Desde Cs esiximos á concelleira que convoque urxentemente a Mesa de ordenanzas fiscais para coñecer cales son os plans do Bigobierno. Advertimos desde agora mesmo que desde Cs non imos permitir que a económica dos lucenses pague os caprichos de Lara Méndez e Rubén Arroxo”, concluíu.

O PP lamenta a falta de investimentos

O vicevoceiro do Grupo Popular, Antonio Ameijide, pola súa banda resumía en tres ideas os datos que hoxe lles presentou o Goberno sobre a Conta Xeral correspondente ao exercicio do ano 2020. “As ganas e os tempos novos que anunciou o PSOE xa se esfumaron xa que as cifras reflicten que houbo unha baixa execución dos investimentos”.

O ano pasado quedaron sen investir máis de 26 millóns de euros cunha porcentaxe ínfima de execución do Plan de investimentos de a penas o 19%. “Son millóns de euros que quedaron sen empregar pola parálise do bigoberno, que viría moi ben para mellorar os barrios e parroquias do municipio” manifestou.

Os populares tamén consideran “desolador” que siga aumentando a cifra de incobrados alcanzando máximos históricos con máis de 22M€ de saldos de dubidoso cobro durante os anos nos que Lara Méndez é alcaldesa que abranguen o periodo de 2015 ata a actualidade.

Noutra orde de cousas, os populares ainda que son conscientes que a pandemia provocou unha baixada de ingresos nas arcas municipais manifestaron que había previsiones de impostos totalmente infladas. Ameijide lembrou como o Gobierno ingresou menos da mitad do que
preveía en concreto uns 80 millóns menos da previsión de ingresos que figuraba na conta xeral 2020.

Novas relacionadas

Unha resposta

Deixa unha resposta
  1. Anónimo
    Set 14, 2021 - 05:19 PM

    É non pasa nada!

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo