O Club de Voleibol Emevé está de noraboa. Se xa a liga viña augurando un bo resultado para o conxunto masculino do club, a reñida vitoria fronte ao Almoradí (3-2), conseguiu que os de Diego Taboada puidesen alzar a copa da Superliga 2 Masculina. Un novo éxito para os rapaces do Emevé que lles da o ascenso á máxima categoría, coma contrapunto ante o descenso das féminas que abandonaron a máxima categoría nesta tempada.
Na tarde de onte, ás 20.00 horas, o equipo foi recibido por numerosos seguidores na explanada do Pavillón Municipal entre gritos e aplausos, para darlles a mercida noraboa.
