Os gandeiros da Asociación de Gandeiros Galegos da Suprema que ocupaban un dos carrís da rolda da Muralla entre a porta da Estación e a porta de San Fernando, decidiron marchar logo de conseguir algunhas das axudas que solicitaban. En concreto e logo da reunión mantida na delegación da Xunta esta mesma maña co Conselleiro de Medio Rural, José González, chegaron a un acordo de conceder axudas por produción e axudas á prevención de incendios.
Os gandeiros abandonan a súa manifestación na rolda da Muralla e manteñen un grupo diante da Subdelegación do Goberno para presionar ao Goberno Central para que se incrementes as axudas ás vacas nodrizas e iso depende da Política Agraria Común (PAC) que depende do Goberno Central. Os gandeiros da Suprema consideran que as subvencións que reciben por vaca están moi alonxadas das que perciben os gandeiros que se dedican ao leite e queren que as axudas que reciben se incrementen.
