Presentado en Sarria o “ I Folk No Camiño Fest Sarria”

Onte ao mediodía presentábase na Ponte Ribeira de Sarria, en pleno Camiño Francés, o Folk no Camiño Fest. Un festival que nace con vocación  de permanencia e que amosará durante tres días, 22,23 e 24 de xullo,  os últimos traballos discográficos dos grupos e artistas  máis sobranceiros da música folk e celta das cinco  autonomías que estarán presentes nesta primeira edición: Euskadi, Cataluña, Cantabria, Canarias e Galicia. Estes grupos baixo a denominación de IBERIAN ROOTS están comezando unha xira que os levará por distintos lugares do estado.

A presentación asistiron o Alcalde de Sarria Claudio Garrido; o Delegado da Xunta en Lugo, Javier Arias; a Concelleira de Cultura Reyes Abella e os concelleiros do PP de Sarria José Antonio García e José Manuel Bello. Tamén estivo presente Eloi Caldeiro do grupo de música galega Brath, grupo que el fundou en Sarria hai 42 anos. Unha das bandas de folk máis importantes da historia da nosa música.

O festival é un proxecto que se viña xestando dende hai varios anos e que este ano bota andar no centro da vila, pero que no futuro terá outra ubicación, concretamente a carón do río para convertelo nun festival verde con connotación familiares.

Na presentación tomaron a palabra o alcalde  Garrido, Arias delegado da Xunta e o propio Caldeiro. Arias destacou o apoio da Xunta a este festival e sinalou que este tipo de eventos axuda á dinamización dos concellos onde se celebran ademais de achegar a máis publico ás celebracións do Xacobeo.

Garrido destacou que dende o concello xa levaban tempo en conversas con caldeiro para poñer en marcha un evento destas características vinculado ao Camiño Francés de Santiago.

Tamén destacou a colaboración do músico e poeta sarriao co concello ao longo de máis de 40 anos.

Eloi Caldeiro fundara, tamén na vila de Sarria no ano 1975, o primeiro grupo de rock galego e en galego da historia.

Pola súa parte Caldeiro lembrou unha serie de concertos e eventos, cando foi contratada a súa empresa para organización dunha boa parte dos eventos do Xacobeo do 93. Subliñando que este festival bebe do espírito daquel primixenio Xacobeo que tanto fixo pola música folk deste país.

Caldeiro tamén destacou e deu as grazas ás dúas institucións que patrocinan este festival : a Xunta de Galicia e o Concello de Sarria e subliñou o apoio do Alcalde Claudio Garrido e a Concelleira de Cultura Reyes Abella, así como de Javier Arias,  Delegado da Xunta en Lugo “son moi consciente de que sen a implicación persoal  que tiveron os tres hoxe non estaríamos aquí presentando o “ I Folk No Camiño Fest Sarria”

As bandas e artistas que participaran nesta primeira edición do “Folk no Camiño Fest Sarria”, son Korrontzi (Euskadi), Ros (Cataluña), Manuel Luna y Brena La Música (Cantabria)  Miguel Afonso Grupo(Canarias) e Brath (Galicia) son agrupacións que interveñen en festivais  e dan concertos en diferentes países ao longo de cada ano e contan cunha contrastada calidade.

En próximos días iremos informando polo miúdo deste festival e dos participantes no mesmo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com