" />
Imaxe da inauguración da Feira esta mañá I

Produtos de Galicia e Norte de Portugal poderán mercarse na Feira de Produtos Artesanais da Eurorrexión

Embutidos de Suarna, mel de Rubiá e o Barco, castañas de Allariz, marmeladadas de A Coruña, viño do Ribeiro e aceite de Tras-Os-Montes. Son algunhas das mercadorías que esta fin de semana poderán adquirirse na Feira de Produtos Tradicionais da Eurorrexión.

Durante os dous vindeiros días, Lugo convértese no escaparate da excelencia gastronómica e artesanal de Galicia e o Norte de Portugal coa celebración dun evento que pretende visibilizar a calidade da materia prima dámbolos dous países.

A rexedora de Lugo, Lara Méndez e a tenente de alcaldesa e responsable de Desen- volvemento Local, Ana González Abelleira, inauguraron esta mañá a mostra, acompañadas polo edil de Turismo do Concello do Barco de Valdeorras, Eladio Santos, organizadores da convocatoria, e polo secretario xeral do Eixo Atlántico, Xoan Vázquez Mao, entidade promotora da acción e á que Lara Méndez, que é a súa vicepresidenta, se referiu como “un organismo capaz de impulsar o mellor de cada cidade que o integra como temos aquí o exemplo”.

A Feira que permanecerá aberta este venres e sábado en horario de 11:00 a 14:00 horas e de 17:30 a 21:30 horas e estase a celebrar baixo estritos parámetros de seguridade ante o devir da situación epidemiolóxica.
Os postos foron distribuídos nunha soa liña de exposición, cunha única dirección e entrada e saída diferenciadas, para evitar o cruzamento de persoas polo recinto que, alén de contar con control de aforo, disporá, ademais, de sinalización e cartelería na que se informa das recomendacións sanitarias en vigor. Igualmente, algúns dos comerciantes presentes, ofrecerán degustacións puntuais dos seus produtos, que serán sempre en vaixela desbotable dun só uso, para o que darán indicacións ás e aos consumidores de como realizalas con totais garantías.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo