Ribadeo acollera a mostra ‘Nós tamén fomos emigrantes’ promovida por Afundación

A Sala de exposicións da Oficina de Turismo de Ribadeo acollerá mañá venres 28 de xuño, ás 19.30 h, a inauguración da exposición Nós tamén fomos emigrantes. Fotografías da Axencia EFE sobre a emigración española no século XX.

Esta iniciativa é posible grazas á colaboración entre o Concello de Ribadeo, ABANCA e Afundación, institucións que estarán representadas no acto coa asistencia do alcalde do Concello de Ribadeo, Fernando Suárez; a concelleira de Cultura do Concello de Ribadeo, Pilar Otero; o director de zona A Mariña de ABANCA, Carlos Teijeiro; o director de oficina de ABANCA en Ribadeo, Ángel Luis Macía; e a coordinadora da Área de Cultura de Afundación, Marité Cores. A inauguración inclúe unha visita guiada pola mostra.

A exposición recolle unha selección de corenta fotografías da emigración, tanto española como galega, procedentes dos arquivos da Axencia EFE. O obxectivo é tratar de achegarnos a esa realidade histórica a través dunha síntese fotográfica das migracións mediante a mirada profesional e humana dos fotoxornalistas da época. A mostra permanecerá exposta a partir de mañá e ata o 18 de xullo, de martes a sábado en horario de 10.00 a 14.00 h e de 16.00 a 19.00 h. Domingos en horario de 11.00 a 14.00 h. Os luns permanecerá pechada, e a partir do 1 de xullo o horario de visita será todos os días de 10.00 a 14.00 h e de 16.00 a 19.00 h.

Esta colaboración é parte do proxecto «Corrente cultural», que considera a arte como un instrumento imprescindible para fomentar o coñecemento e o desenvolvemento colectivo. Grazas a este proxecto, Afundación, a Obra Social de ABANCA, impulsa a capilaridade da cultura en Galicia, ampliando a oferta artística alén das súas sedes e trasladándoa ás vilas galegas para desenvolver tamén nelas as actividades da entidade.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com