Nas últimas vinte e catro horas volveuse producir unha baixada dos casos activos por Coronavirus na nosa provincia, esta vez a cifra arroxa unha redución de 99 persoas menos do total das afectadas pola infección en comparanza cos últimos datos. Isto débese a que hai máis altas que novos contaxios, malia isto os novos contaxios mantéñense como nos derradeiros días.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 17.289 deles 4.571 son da área da Coruña, 2.015 da de Lugo, 1.312 da de Ourense, 2.186 da de Pontevedra, 4.275 da área de Vigo, 1.919 da de Santiago e 1.011 da de Ferrol.
Do total de pacientes positivos, 55 están en UCI, 261 en unidades de hospitalización e 16.973 no domicilio. Polo de agora, en Galicia hai un total de 145.424 persoas curadas, rexistrándose 2.492 falecementos.
O número de PCR realizadas é de 2.618.535.
O número de doses de vacina contra a covid-19 administradas é de 3.648.674.
