O Ateneo Galeguista de Lugo organiza unha conferencia baixo o título de Sindicalismo e Galeguismo, na que interverá o ex-traballador de Astano e histórico sindicalista, Carlos Neira Suárez.
Con esta conferencia, o Ateneo Galeguista continúa co seu ciclo de charlas, comezada coa charla “Cristianismo e galeguismo”, para ofrecer unha visión global da relación do galeguismo e a galeguidade con diversos movementos de tipo social, relixioso ou histórico, nomeadamente centrados en Lugo.
A conferencia de Sindicalismo e Galeguismo celebrarase na Biblioteca Nodal de Lugo mañá, martes, día 5 de xuño ás 19.30 horas.
