" />

Suso e Xoán Ramón de Foz

Foz ven de vivir un dos actos máis fermosos que pode organizar un concello. Un dos focegos máis coñecidos, Suso Fernández, animador cultural, social e informativo, cronista oficial e Fillo Predilecto, por problemas de saúde, renunciou ao posto de Cronista, e o concello organizou unha homenaxe de despedida e, á vez, recepción do novo cronista, Xoán Ramón Fernández Pacios, destacado divulgador da historia da  súa terra.

Despedida e recepción, que me honrou conducir, completáronse coa presenza no proscenio de todos os concelleiros de Foz, que se reuniron en sesión plenaria para nomear ao novo cronista.

Escoitar ao representante do Bng mencionar a Cicerón e a Castelao, ou que o do P.P. citase a Manuel María – “se buscas a Galicia / en ti tes que atopala” – para afirmar que Fernández Pacios leva a Foz e a Galicia no corazón, e ver en directo o voto por unanimidade por Xoán Ramón para Cronista Oficial, foi o achegamento perfecto dunha corporación ao seu pobo, e a demostración de que todas as forzas políticas poden coincidir en algo ou en alguén cando fala a razón.

Se a esto engadimos a Banda de Foz interpretando unha peza na honra de Suso, o Himno de Foz e o Himno galego; destacados focegos loubando os máis de sesenta anos de Suso traballando polo pobo, e un público entregado en honrar a dous amigos especiais, obtemos como resultado un acto emotivo e confortador, oficialmente impecable, culturalmente exemplar.

Foz soubo despedir a un cronista meritorio e recibir ao que xa ten méritos abondos para escribir para o futuro sobre o Foz do presente. Que cunda o exemplo de honrar á xente da Cultura e humanizar a política. Será moi bo para todos.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo