" />

Trasladado en helicóptero un motorista logo de sufrir unha colisión contra un coche en O Incio

Un motorista foi trasladado logo de sufrir unha colisión contra un coche esta tarde, no Incio.

Foron os servizos sanitarios os que, ás cinco da tarde, alertaron ao 112 Galicia do accidente ocorrido na estrada de Samos, a altura do lugar do Val do Mao. Na mesma comunicación, o 061 informaba de que se mobilizaba para o punto o helicóptero medicalizado con base en Ourense.

Así, desde o Centro Integrado de Atención ás Emerxencias de Galicia (CIAE-112) informouse aos Bombeiros de Sarria, aos axentes da Garda Civil de Tráfico e aos membros de Protección Civil da localidade.

Os profesionais de Urxencias Sanitarias de Galicia – 061 comunicaron que o motorista tivo que ser trasladado en aeronave ata o Hospital Universitario Lucus Augusti, de Lugo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo