Segundo os datos facilitados pola Dirección Xeral de Saúde Pública da Consellería de Sanidade con respecto ao coronavirus, a área sanitaria de Lugo baixou nun caso activo, situando o número de casos en 72; pola contra o número total de infectados pola Covid-19 aumentou en 32 con respecto a onte, o que deixa a Galicia con 444 casos; deles 177 son da área da Coruña, 72 da de Lugo, 34 da de Ourense, 43 da de Pontevedra, 78 da área de Vigo, 35 da de Santiago, e 5 da de Ferrol.
Do total de pacientes positivos, 2 están en UCI, 21 en unidades de hospitalización e 421 no domicilio. Polo de agora, en Galicia hai un total de 11.381 persoas curadas, rexistrándose 619 falecementos.
O número de PCR realizadas é de 260.785.
