Un día máis segue a subir a cifra de casos activos por Coronavirus na área de Lugo

A cifra de casos activos pola Covid-19  en Lugo xa pasa dos 1700. Nas últimas vinte e catro horas os novos contaxios foron 119, o que indica que o andazo está a estenderse de xeito importante, sobre todo na xente moza pola área sanitaria de Lugo.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 15.992 deles 2.809 son da área da Coruña, 2.332 da de Ourense, 2.785 da de Pontevedra, 3.734 da área de Vigo, 1.990 da de Santiago e 725 da de Ferrol aos que hai que sumar 1761 de Lugo.

Do total de pacientes positivos, 23 están en UCI, 183 en unidades de hospitalización e 15.786 no domicilio. Polo de agora, en Galicia hai un total de 130.008 persoas curadas, rexistrándose 2.447 falecementos.

O número de PCR realizadas é de 2.505.157. e o de doses de vacina contra a covid-19 administradas é de 3.361.483.

 

 

 

 

 

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com