Un ferido tras colisionar dous camións na A-6 ao seu paso por Guitiriz

Un condutor resultou ferido, esta mañá, ao producirse un accidente entre dous camións, na estrada A-6, ao seu paso polo concello de Guitiriz. A poucos minutos das 10:00 horas, o 112 Galicia recibiu unha chamada que alertaba dunha colisión entre dous camións, no punto quilométrico 540 da Autovía do Noroeste, concretamente nos carrís de sentido a Madrid. Durante a comunicación, afirmábase que podería haber persoas atrapadas nos vehículos.

De contado, os xestores do CIAE-112 Galicia puxeron a información en coñecemento dos servizos sanitarios, dos Bombeiros de Vilalba, dos axentes da Garda Civil de Tráfico e da Policía Local e de Protección Civil de Guitiriz.

Unha vez chegados ao lugar, a patrulla da Policía Local confirmou que no accidente non había ninguén atrapado e que un condutor, que resultara ferido, estaba a ser atendido na ambulancia. Ademais, explicaron que o carril dereito da A-6 permaneceu cortado debido aos restos orixinados no sinistro e que foron desprazados pola dotación de Bombeiros de Vilalba.

Desde o 112 Galicia tamén se informou ao persoal de mantemento de estradas e ao Centro de Xestión de Tráfico co fin de manter a seguridade na vía.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com