" />

Un incendio causa danos materiais nunha casa en O Corgo

Un incendio declarado esta mañá nunha casa de dous andares no Corgo provocou diversos danos materiais no seu interior, sen que ningunha persoa resultase ferida.

Segundo indica o 112 Galicia, o lume calcinou o mobiliario da cociña e do salón e o fume chegou a afectar á vivenda na súa totalidade. Por outra banda, os servizos de emerxencia lograron rescatar a un can que se atopaba no segundo andar da casa.

Os feitos sucederon en Chamoso, concretamente no punto quilométrico 489 da N-VI.

Foi unha persoa particular quen contactou co 112 Galicia para dar conta do incendio ao fío das 10:00 horas. Decontado, os xestores do CIAE 112 Galicia pasaron o aviso aos Bombeiros de Sarria, a Urxencias Sanitarias de Galicia-061 e á Garda Civil.

Segundo os datos facilitados ao 112 Galicia, o incendio quedou extinguido ao redor das 11:00 horas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo