Un incendio deixa danos materiais na cociña dunha vivenda en Sarria

Un incendio declarado esta tarde na cociña dunha casa en Sarria deixou danos na estancia da vivenda, sen que se rexistrasen danos persoais. Segundo os datos facilitados ao 112 Galicia, ardeu a campá extractora e varios mobles da cociña. Ademais, o resto da vivenda rematou totalmente afectada polo fume.

Ocorreu no lugar de Vilerma, na parroquia de Maside, ao fio das 15:00 horas. Nese momento, unha persoa particular alertaba do incendio ao 112 Galicia.

Decontado, os xestores do CIAE 112 Galicia pasaron o aviso aos Bombeiros de Sarria, á Garda Civil, á Policía Local e á Agrupación de Voluntarios de Protección Civil da localidade.

Segundo se lle indicou ao 112 Galicia, as labores de extinción do lume finalizaron ás 16:20 horas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com