A Casiña de Paula volveu a abrir onte as súas portas para a celebración dun obradoiro infantil de pintura e decoración de macetas. Nenos e nenas de cinco anos en diante, sempre en grupos de reducidos, crearon os seus propios deseños, a base de pinturas e troquelados, para levarse ás súas casas unha pranta nunha maceta orixinal e creativa.
Estes obradoiros desenroláronse como parte da oferta de actividades dos Tardeos na Tinería, co obxectivo de conciliar o tempo de ocio de toda a familia, para que os máis pequenos gocen dunha actividade creativa e artesanal, mentres os seus pais poden tomar algo nalgún dos locais de hostalería do barrio.
