" />

Unha moza falece a causa do desprendemento dunha pedra na Praia das Catedrais

Unha moza perde a vida tras caerlle unha pedra na cabeza mentres visitaba a Praia das Catedrais, en Ribadeo.

Ocorreu á unha desta tarde, cando a rapaza, de 25 anos de idade, contemplaba unha das covas que compoñen o monumento natural. De inmediato, un particular chamou ao 112 Galicia para pedir asistencia sanitaria urxente, xa que a muller non respondía a estímulos.

Así, desde o Centro Integrado de Atención ás Emerxencias de Galicia (CIAE) 112 Galicia, avisouse ao 061-Urxencias Sanitarias, que enviou ao lugar a un equipo médico que nada puido facer por salvarlle a vida.

Tamén acudiron voluntarios de Protección Civil e axentes da Garda Civil e avisouse aos profesionais do Grupo de Intervención Psicolóxica en Emerxencias de Catástrofes (GIPCE) para prestar apoio á parella da vítima.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo