Unha muller resultou trasladada este xoves tras un incendio rexistrado na cociña dunha vivenda situada na rúa Barxela, no municipio de Chantada. O lume produciuse arredor das 15.30 horas e foi a Policía Local a que alertou ao 112 Galicia, solicitando tamén asistencia sanitaria por unha posible inhalación de fume.
Segundo a información facilitada polos servizos de emerxencias, os bombeiros confirmaron que o incendio afectou á campá extractora e aos mobles próximos da cociña. A muller foi evacuada posteriormente polos servizos sanitarios.
No operativo participaron efectivos de Urxencias Sanitarias de Galicia-061, os Bombeiros e a Policía Local de Chantada.
Pouco despois, minutos antes das 16.00 horas, o 112 Galicia recibiu o aviso doutro incendio nun mosteiro situado en Ferreira de Pantón, no municipio de Pantón. Segundo indicaron as fontes de emerxencias, o lume afectou á sala de lavandaría, sen causar danos noutras dependencias nin provocar persoas feridas.
Ata o lugar desprazáronse efectivos dos Bombeiros de Monforte e axentes da Garda Civil para intervir na extinción do incendio e asegurar a zona.
