O Goberno provincial participou esta tarde na presentación do Esmorga Fest, que se celebra o venres e o sábado en
Sarria. O festival de música independente volve tras dous anos de parón forzado pola pandemia cun cartel formado por unha vintena de bandas, que levarán a música en directo á sala Litmar e á Unión.
A Deputación de Lugo colabora na organización do festival, que “se converteu nun referente na programación de música independente no Estado apostando por bandas que logo despuntaron e demostrando que desde vilas pequenas coma Sarria tamén se pode estar na vangarda musical e cultural”, sinalou o deputado de Deportes, desplazado ata o lugar, no acto de presentación.
O deputado tamén valorou “a capacidade da organización do festival para involucrar a veciñanza na celebración do evento, poñendo en valor e dinamizando espazos como A Unión con propostas tan singulares como esa sesión vermú na que disfrutar da música en directo nun ambiente moi especial”, sinalou Efrén Castro no acto de presentación.
Venres 1 de abril. Litmar
La Paloma – Dharmacide – Pinpilinpussies – Boneflower – Le Temps du Loup – Rayotaser – Juanita Dinamita – John Axiom. Apertura de portas ás 20:00 horas.
Sábado 2 de abril. La Unión
Shego – Marta Knight – Vulk – El Chico lópez – Salífero (opus 4) – Don Gonzalo. A partir das 13.00 horas.
Sábado 2 de abril. Litmar.
El Columpio Asesino – Le Boom – Cala Vento – The Haunted Youth – Apartamentos Acapulco – La élite – Pálida. Apertura de portas ás 20.00 horas.
As entradas poden adquirirse na web esmorgafest.com e en dous locais da vila, Adarve e Xarope, a 35 euros, ou na taquilla, a 40 euros, os días do festival.
