Os veciños dun edificio da Rúa Serra Gañidoira de Lugo din vivir un calvario por mor de dous veciños, unha nai duns 70 anos e o seu fillo de arredor dos 50, que non deixan de provocar intencionadamente situacións que incomodan á comunidade.
Segundo os veciños, estes inquilinos levan máis de dúas décadas facendo ruído, gritando, insultando, denunciando, ameazando e mesmo agredindo non só no interior do edificio, se non mesmo polas ventás e na rúa; pero que nos últimos meses estes incidentes se viron incrementados, tendo que recurrir en varias ocasións á presenza policial. É por iso que o pasado mes de xullo, varios dos residentes acudiron aos xuzgados a interpoñer unha denuncia contra estes inquilinos.
Tampouco é a primeira vez que estas persoas son denunciadas por mor do seu comportamento cara os seus conveciños. Segundo algúns afectados, estas persoas xa foran denunciadas e expulsadas da súa anterior vivenda por unha situación semellante á que están a vivir agora.
