" />

Vilalba Aberta urxe ao Goberno a “actuar” ante o “lamentable estado” da rede viaria en Vilapedre

Logo dunha visita a Vilapedre, a formación municipalista Vilalba Aberta vén de anunciar o rexistro dunha nova iniciativa demandando o arranxo de varios viais de titularidade municipal na parroquia.

Denuncian o “deplorable estado” de pista fundamentais para a veciñanza como a que une os barrios do Porto de Bois, A Fraga e o Pazo ou a que comunica a Carballeira e Rebordelo e urxen ao Concello a actuar, tamén, sobre a que enlaza Sarela co Castro, así como sobre o vial que vai do barrio da Bouza ao de Vigo.

“Estamos a falar dunha parroquia, durante anos, completamente esquecida polos gobernos do PP e que segue abandonada diante da abraiante inacción do goberno do PSOE”, censurou o voceiro municipal da formación Modesto Renda. Así, e ao tempo que contextualizou a iniciativa como “a enésima chamada de atención ao goberno  en relación co estado da rede viaria municipal”, volveu apuntar á responsabilidade da Alcaldesa, así como á do edil de infraestruturas Luís Fernández Álvarez, en base ás “decenas de reclamacións e solicitudes veciñais sen contestar”.

Á parroquia, achegouse tamén a vicevoceira municipal de VA, Mª Xosé Fernández, quen ao tempo que agradeceu a confianza dos veciños de Vilapedre en Vilalba Aberta, apelou ao consenso de todos os grupos políticos con representación no Concello, con vistas a mudar unha realidade que “debera avergoñarnos coma representantes dos vilalbeses”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo