Nas últimas vinte e catro horas a Área sanitaria de Lugo, sufriu un incremento de dezaoito novos casos por Coronavirus, polo que hai que destacar que os contaxios seguen a subir, aínda que de forma case simbólica +1, pero suben. Onte foran dezasete. Isto pon de manifesto que non se estan a cumprir as medidas que nos indican as autoridades sanitarias e isto fará que se retrase a erradicación da pandemia. Hoxe os datos de casos activos por Coronavirus en Lugo chegan a cifra de 239 , tres máis ca onte, xa que tamén se produciron altas.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 3.099, deles 721 son da área da Coruña, 267 da de Ourense, 477 da de Pontevedra, 939 da área de Vigo, 354 da de Santiago e 102 da de Ferrol.
Do total de pacientes positivos, 50 están en UCI, 160 en unidades de hospitalización e 2.889 no domicilio. Polo de agora, en Galicia hai un total de 116.874 persoas curadas, rexistrándose 2.390 falecementos.
O número de PCR realizadas é de 2.057.366.
O número de doses de vacina contra a covid-19 administradas é de 1.129.412.
