O vindeiro día 12 vaise celebrar a XXXII edición da Feira do Mel do Valadouro, feira que alá polo ano 1986 empezaran un grupo de apicultores naturais do concello.
O concello é agora quen se encárga de organizar este evento de gran relevancia a nivel provincial e mesmo fora de Galicia.
Nesta edición prográmase unha conferencia para os máis novos: “o doce mundo do mel”, para nenos e nenas de Primaria.
Os diferentes postos que acudirán á feira instalaranse na rúa Andrés López, que ademais dos do mel, poderanse visitar outros de artesanía.
A actividade comezará coa apertura da feira ás 10:00h. pola rúa e, unha hora máis tarde, comezará unha serie de showcookings (demostracións de receitas de cociña) ata as 13:00h.
Desde as 11:00h. contaremos cunha locomotora asadora de castañas e que as vai a repartir, entre todos os asistentes e que serán de balde
Ás 12:00h. fará un pasacalle polo mercado a asociación cultural Amado Lar para dar paso a apertura da ruta de tapeo polos locais hostaleiros do Valadouro. Nesta ocasión, os locais ofertarán durante todo o día dúas tapas gratuítas de tempada nas que nos podemos atopar como base o mel, a mazá, a castaña, a noz, os cogomelos, …etc
Pola tarde haberá xogos para nenos, música e tamén a tradicional degustación de freixós con mel.
