" />

23 artesáns e artesás galegas participan desde hoxe ata o 12 de outubro na Mostra Arte San Froilán

O deputado de Artesanía e Deseño vén de presentar na Praza Anxo Fernández Gómez de Lugo a vixésimo quinta Mostra Arte San Froilán organizada por Vicepresidencia, a través do CENTRAD. A feira de artesanía contará desde hoxe e ata o 12 de outubro coa participación de 23 artesás e artesáns de toda Galicia, presentes no acto de inauguración.

Ao abeiro das festas patronais de Lugo, despregaranse de novo os expositores na rúa como un activo cultural xa consolidado na cidade, “que adquire un valor especial nesta edición que vén marcada pola recuperación e reactivación da economía despois do parón a causa da pandemia”, afirmou o deputado Efrén Castro. Neste senso, convidou a “lucenses e visitantes a se achegar a esta praza para comprobar de primeira man a calidade da artesanía galega, nomeadamente a da provincia, con elementos únicos que visibilizan o importante labor dos oficios artesanais”.

Os profesionais participantes na mostra exporán pezas de creación e produción propia, con materias primas de noso como a madeira, ferro, coiro ou cerámica. Estará aberta ao público en horario de 11 a 14 horas e de 17 a 21 horas, con acceso de balde.

Máis de medio millar de artesáns xa pasaron pola Mostra Arte San Froilán nas súas 24 edicións, “poñendo en valor a cultura nas rúas mediante a artesanía, e dinamizando uns días especiais para os lucenses con propostas que recuperan e poñen en valor as nosas orixes e a evolución das técnicas empregadas”, subliñou Castro.

Novas relacionadas

Unha resposta

Deixa unha resposta
  1. Anónimo
    Out 01, 2021 - 03:52 PM

    🙂

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo