500 persoas marcan o éxito da apertura de Códex Cinema

Anunciabámolo hai semanas e hoxe, xa é unha realidade. A cidade de Lugo conta, dende o pasado xoves, con dúas novas salas de cinema nas que poder gozar dos mellores filmes en versión orixinal subtitulada e de autor. Chámanse Códex Cinema e abriron as súas portas, na praza Viana do Castelo, o pasado xoves cun gran éxito de concorrencia.

Máis de 500 persoas interesáronse, dende o pasado xoves, por este novo proxecto do músico, Eloi Caldeiro, que fixo revivir os antigos cines Yelmo, cunha proposta novidosa e única na cidade.

A programación e os horarios diseñáronse pensando nos espectadores, así, as películas rotan de horario entre as dúas salas para que cada quen poida adaptarse ao horario que mellor lle conveña para ver o seu filme favorito. Seis cintas co mellor do cinema, en dúas salas e en seis horarios diferentes cada día, esa é a idea que lle está funcionando hoxe en Lugo a Eloi Caldeiro, e que está a colleitar un grande éxito que pode chegar a superar ás salas máis comerciais da localidade.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com