A banda de Música de Antas de Ulla confirmou 6 positivos por coronavirus entre os seus compoñentes, logo de que un deles confirmara que estaba infectado e seguindo o protocolo, xa que celebraran un ensaio, fíxose a proba ao resto de compoñentes, dos cales 6 deron positivo e 33 negativo. Dado estes resultados optouse a que todos os músicos que estiveron en contacto permanezan illados.
En canto aos últimos datos facilitados pola Dirección Xeral de Saúde Pública da Consellería de Sanidade na súa última actualización, o número de casos activos de coronavirus en Galicia é de 6.766, deles 1.167 son da área da Coruña, 673 da de Lugo, 1.390 da de Ourense, 683 da de Pontevedra, 1.243 da área de Vigo, 1.122 da de Santiago, e 488 da de Ferrol.
Do total de pacientes positivos, 55 están en UCI, 389 en unidades de hospitalización e 6.322 no domicilio. Polo de agora, en Galicia hai un total de 25.585 persoas curadas, rexistrándose 868 falecementos.
O número de PCR realizadas é de 640.621.
