Acto no Concello de Lugo polo “Día da Galiza Martir”

Concelleiros do Concello de Lugo fixeron unha  homenaxe institucional polo día da Galiza Mártir a todas as persoas represaliadas polo franquismo. No acto, que tivo lugar no Vello Cárcere, a Concelleira de Cultura Maite Ferreiro, afirmou que “hoxe mantemos viva a memoria de todas as persoas que foron asasinadas por defender os seus ideais”. O acto contou coa presenza de Xoán Xesús Rojas, do Ateneo Galeguista, que deu lectura do manifesto e se encargou, xunto coa edil , de realizar unha ofrenda floral na memoria de todas as represaliadas e represaliados polo franquismo.

“Tivo que ser no exilio, en Bos Aires, onde a Irmandade Galega instaurou o 17 de agosto como día da Galiza Mártir, coincidindo coa data do fusilamento de Alexandre Bóveda no monte de Caeira”, declarou Maite Ferreiro, que engadiu “as institucións públicas debemos honrar a todas as persoas mártires da liberdade na historia do pobo galego”. “Con esta acción damos un paso máis na rehabilitación da figura de Alexandre Bóveda, quen foi vítima dun falso proceso xudicial en Pontevedra, e de todas as persoas mártires da liberdade que el simboliza na memoria histórica e democrática do noso pobo”,