2021 está a piques de pecharse como un ano marcado polas consecuencias da pandemia no eido do emprego. Aínda así, neste contexto, Fademga Plena Inclusión fai un balance positivo das intervencións realizadas durante o ano chegando a realizar un total de 5.992 actuacións de orientación presencial (das que 3.249 foron na provincia da Coruña, 944 na de Lugo, 681 na de Ourense e 1.118 na provincia de Pontevedra) así como 2.208 actuacións de orientación telefónica e 832 actuacións online.
Cabe destacar igualmente o importante número de contratacións. Un total de 203 persoas con diversidade funcional intelectual atoparon emprego durante este ano grazas ao apoio da Federación, a maioría (un total de 169 contratos) na empresa privada, seguida polos novos contratos no eido do Emprego público (23 persoas funcionarias na Xunta de Galicia, 8 persoas contratadas como persoal estatutario do SERGAS e 1 como persoal laboral fixo en ADIF) e finalmente 3 contratacións para substitucións temporais.
Paralelamente a estas contratacións un importante número de persoas con discapacidade intelectual están a formarse na actualidade para acceder a un posto de traballo fixo. Durante este ano, impartimos formación a un total de 362 persoas con discapacidade intelectual para superar o proceso de oposicións, das cales 236 están preparándose para acceder ao posto de ordenanza, 57 para persoal de servizos xeráis do SERGAS e 69 para o posto de pinche de cociña.
Finalmente cabe destacar ás 217 persoas que participaron en formacións prelaboráis de cara a adquirir maiores competencias para conseguir acceder a un Emprego.
